Австралийн  баруун хойд нутгийн Квисленд мужийн Маунт-Айза хотын орчимд амьтны ертөнцийн нэгэн сонин үйл явдал болж жуулчдын хамгийн сонирхолтой үзүүлбэр болсон байна.

Эхлээд матар аварга могойг барьж ус руу чирч орохоор оролдсон ч энэ тэмцэл таван цаг гаруй үргэлжилж сүүлдээ өөрөө цуцаж эхэлсэн байна.

Энэ бол гайхамшигтай тулаан байлаа. Бид зүгээр л харж, аль нь ялахыг хүлээж байлаа” гэж энэ тулааныг харсан жуулчин Трэвис Корлис ярьж байна.

Квислендийн Мундарра нуурын энэ матар бас ч тийм ч жижиг биш лавтай метрээс илүү байсан гэнэ.

Гэсэн ч сульдаж ядарсан матрыг аварга могой боомилж муужруулаад эрэг дээр чирэн гаргаж зугуухан залгиж эхэлсэн байна.

Гэхдээ аварга матрыг залгихад усны аварга могойнд ердөө 15 минут л хангалттай байлаа.

Энэ бүхнийг харсан Трэвисийн эхнэр Тиффанийн үгээр бол матар том байсан хэдий ч аварга могой түүнийг ороож боомилчихоод байхад ёстой толгой сүүл нь хаана байгаа нь мэдэгдэхгүй байсан гэнэ.

Мэргэжилтнүүдийн үгээр бол усны аварга могой ихэнхдээ харх, оготно гээд зөөлөн биет амьтдаар хооллодог. Гэхдээ  хайрслаг арьстай матар зэргийн жижигхэнийг олз болгох  явдал байдаг гэнэ.