Цагтаа УИХ-ын гишүүн, Хууль зүйн сайд хүртэл хийж явсан МАН-ын залуу лидер Ц.Мөнх-Оргилыг Сүхбаатар дүүргийн шүүхэд дуудсан байна. Учир нь тэрбээр Монголын сагсан бөмбөгийн холбооны ерөнхийлөгчөөр ажиллах хугацаандаа ихээхэн хэмжээний мөнгөний асуудалд оржээ. Шүүхээс тайлбар мэдүүлэг авахаар хэд хэдэн удаа дуудсан ч үл хүндэтгэх шалтгаангүй цааргалсаар багагүй хугацаа хожсон гэдгийг албаныхан хэлж байна. Өдгөөгөөс зургаан жил гаруйн өмнө болсон долдугаар сарын 1-ний хэрэгт нэр холбогдсон ч нэр цэвэр сугарч үлдсэн түүнийг энэ удаад ихээхэн хэмжээний төлбөр хүлээж магадгүй.
“MCS” компанийн хувь эзэмшигч, чамгүй хөрөнгөтэй Ц.Мөнх-Оргилын хувьд төлбөрт унах нь асуудал биш ч Монголын сагсан бөмбөгийн холбооны нэр хүндийг унагаж, сагсан бөмбөгийн спортын хөгжилд чөдөр болсон хүн хэмээн тус салбарынхан дүгнэдэг байна.