Алтны магнатын хүү чинээлэг гишүүдийн дунд толгой цохидог Номтойбаяр гэх энэ эрхэм Дорнодын уудам талаас 2012 онд нэрээ дэвшүүлэн УИХ-ын гишүүн болмогцоо л хэл аманд өртөж сонгогчдынхоо чихийг халууцуулсаар байгаа. Түүний энэхүү үйлдэлд нь эгдүүцсэн дорнодчууд амаа барьж, Монгол даяар давхар нэр хүндээ унагаж байна гэж нутгийнхан ярьж сууна. Олны шүүмжлэл ирээдүйн карьераа бодсон Н.Номтойбаяр гэнэт ухаан орсон уу? онгоцоор нисэн очиж Дорнод аймагтаа ажиллаж эхэлсэн гэнэ. Түүнийг намын нөхдөөс нь гадна супер тоноглосон аяны амралтын зориулалттай хар өнгийн мерседес бенз жип нь ч тосон авчээ. Эрхэм гишүүн сум, аймгийн төвөөр явж иргэд хөдөлмөрчидтэй уулзалт хийх зар тараасан ч ямар ч хүн цуглахгүй байсан тул МАН ялсан сумдын зүг жолоо залж тэр шугамаараа төрийн албан хаагчдыг хүчээр хуралд суулгаж бас болоогүй эмнэлэгт хэвтэж байсан хүмүүсийг ч бөөндөж байгаа сурагтай. Хамгийн сүүлд л гэхэд өөрийн нэрэмжит МАН-ынхнаа цуглуулсан үндэсний бөхийн барилдаан зохиоон байгуулжээ.
Энэ байдалд нь дорнодчууд Н.Номтойбаярыг харчихаад "Олонд таалагдах гэж онигоогоо чирж явах ч гэж дээ. Ирэх сонгуульд мөнгөө төлөөд жагсаалт бараадсан нь дээр дээ" гэж ёжлон байгаа сурагтай.