Нийслэл Улаанбаатар хотын төвд гуравдугаар сарын 16-ны ням гаригийн орой жаахан цас хаялж байгаад тогтсон бол Сонгинохайрхан дүүргийн нутаг Баянхошуунд шөнө дунд хүртэл цас орж шуурснаар хашаа хамар, жалгаар цас хунгарлаж хоножээ. Зам дээр тогтсон цас халтиргаа үүсгэснээр өглөөнөөс аваад Баянхошууны төв зам дээр түгжрэл үүсч хөдөлгөөн бараг хаагдсан байна. Баянхошуунд нүүрлэсэн зуд эндхийнхний нэрийдсэнээр Хөтөл даваад телевизийн эцэс хүрээд цасгүй болжээ.
Өнөөдөр нийслэлд цас орохгүй 0-2 градус дулаан байна гэж ус цаг уур орчны шинжилгээний газар мэдээлж байна.