Монгол Улс хэрэглэгчийн эрх ашгийг хамгаалах өдөр тэмдэглээд 30 гаруй жилийг үдэж буй. Өнгөрсөн хугацаанд салбар бүрт хэрэглэгчдээс ирсэн гомдлыг цаг алдалгүй шийдэхийг зорьж байсан манай улс өнгөрсөн жилээс хохирлыг бүрэн барагдуулдаг болсон нь том дэвшил юм. Тэр дундаа үүрэн телефоны салбарынхан сонгодог жишээ боллоо хэмээн  “Үүрэн холбооны телефон хэрэглэгчдийн эрх ашгийг хамгаалах” хэлэлцүүлгийг нээж хэлсэн үгэндээ ШӨХТГ-ын дэд дарга А. Ариунболд онцолсон юм. Тэрээр “1985 оноос Хэрэглэгчийн эрх ашгийг хамгаалах өдрийг тэмдэглэж ирсэн манай улсын үүрэн холбооны салбар бусад салбараа бодвол техникийн дэвшил ашиглахын хэрээр үйлчилгээнийхээ үнэ тарифыг бууруулдаг байсан. Энэ нь, бусад салбарынханд үлгэр дуурайлал болох биз ээ” хэмээсэн. Ямартай ч, өнгөрсөн хугацаанд тус салбарын үйлчилгээтэй холбоотой гомдол багассан гэнэ.
Харин гэрээ байгуулахдаа  тухайн хүний нууц, төлбөр тооцооны бүртгэл, гэрээний утга учрыг сайн ойлгуулж хийх нь хэрэглэгчийн эрх ашиг зөрчигдөхөөс урьдчилан сэргийлэх суурь нь юм  гэж хэлэлцүүлгийн үеэр үүрэн холбооны оператор компанийн төлөөллүүдэд ШӨХТГ-аас зөвлөлөө.