Дорнод аймгийн Матад суман дахь газрын тос олборлох чиглэлээр ажиллаж буй “Петрочайна Дачин Тамсаг” компа­нийн экспортын тос ачих хэсэгт  гал гарч нефть тээвэрлэгч найман машин шатаж, хоёр хятад ажилчин нас барсан хэрэг гараад 10 гаруй хонож байна. Газар дээр нь аймгийн цагдаа, прокурор, онцгой байдал, шүүх шинжилгээний алба гэхчлэн холбогдох мэргэжилтнүүдээс бүрд­сэн ажлын хэсэг ажиллаж байгаа тухай өмнө нь мэдээлсэн.
Онцгой байдлын газрын дарга энэ талаар мэдээлэл өгөхдөө, “Ажлын хэсгийн дүгнэлт долоо хоногтоо багтан гарна. Энэ дүгнэлтээр компанийн нөх­цөл байдал, галын шалтгаан, аюул­гүй байдлаа хэр ханган ажиллаж бай­сан зэрэг нь тодорхой болно” гэж бай­сан юм. Тэгвэл өчигдөр албаны эх сурвалжаас энэ талаар дахин тод­руу­лахад “Ажлын хэсгийн дүгнэлт га­раа­гүй. Тийм амар гардаггүй юм. “Петрочайна Дачин Тамсаг” ком­па­нийн үйл ажиллагааг зогсоогоод аж­л­ын хэсэг ажилласан хэвээр байгаа” гэв.