Болгарын  зөн билэгч Ванга Европын улс орнууд хэзээ юуны учир устаж үгүй болохыг зөгнөж бичсэн гэнэ. Тэрээр нэг удаагийн ийм таамагтаа лалын орнуудаас химийн зэвсэг хэрэглэж хийх дайны тухай дурдсан юм байна. Ингэснээр 2016 он гэхэд Европ бүрэн устаж хоосрох гэнэ. Ертөнц дээрх улс орнуудаас ийм аймшиг хийх орон нь  Ливи байж болох юм гэж “Глобалист” мэдээлжээ.
Вангагийн хэлснээр бол 2011 он бүхий л хүн төрөлхтний сүйрлийн эхлэл  болох байж. Хараагүй үзмэрч хэлэхдээ цөмийн аюулын дараа лалын орнуудын химийн дайн эхэлнэ. Мусульманчууд ийн химийн зэвсэг хэрэглэснээр хэдэн арван улс орон устаж үгүй болно. Химийн хүчтэй зэвсэг хэрэглэснээр хүмүүсийн арьсан дээр яр гарч, улмаар хавдар үүсэн 2016 он гэхэд Европ хоосроно гэж хэлсэн байна.
Вангагийн энэ таамаг үнэний ортой болохыг 2011 онд Японы “Фукусима-1” атомын цахилгаан станцад осол гарч ногоо болон хүнсний маш  их бүтээгдхүүн хордсон,  Ливийн хямрал дээд цэгтээ хүрсэн зэргээс харж болно гэж хэвлэлүүд бичиж байна.