С.Цог нарын 12 хүнд холбогдох хар тамхины хэргийг шүүх хурал өнөөдөр Дүүргийн эрүүгийн хэргийн нэгдүгээр шүүхэд болох байсан ч шүүгдэгчийн өмгөөлөгч ирээгүй гэх шалтгаанаар ирэх 4 дүгээр сарын 1-ний өдөр хүртэл хойшиллоо.

Үндсэн хуулийн цэцийн гишүүн Д.Сугарын хүү Цог нарын 12 хүнийг Эрүүгийн хуулийн 192 дугаар зүйл буюу мансууруулах сэтгэцэд нөлөөлөх бэлдмэл  хууль бусаар олж авсан, хэрэглэсэн, хадгалсан  гэх үндэслэлээр Улсын мөрдөн байцаах газарт шалгаж, хэргийг Нийслэлийн прокурорын газраас хянасан юм. Улмаар яллах дүгнэлт үйлдэн Дүүргийн эрүүгийн хэргийн нэгдүгээр шүүхэд шилжүүлээд байв.