Картис Чех Олон Улсын байгууллагаас манай улсад хэрэгжүүлсэн “Алслагдсан бүс нутаг дахь эрүүл мэндийн үйлчилгээг сайжруулах” төсөл тайлангаа тавьжээ. Нүүдлийн соёл иргэншил нь хэвээр хадгалагдсан хөдөөд гэр эмнэлэг ажиллуулах зорилготой уг төсөлд 2011 оноос хойш нийтдээ 352 мянган ам.доллар зарцуулсан байна. Ингэхдээ хөдөөгийн 23 сумын 38 багт нүүдлийн гэр эмнэлгийг шаардлагатай төхөөрөмжийн хамт иж бүрэн тохижуулжээ. Гэр эмнэлгүүд төслийн хугацаанд нийт 65 мянган хүнд тусламж үзүүлсэн гэнэ. Түүнчлэн Завхан аймгийн долоон суманд ЭХО аппарат авч өгчээ. Төслийн үр дүн ч чамлахааргүй аж. 0-1 насны хүүхдийн эндэгдэл тодорхой хувиар буурснаас гадна Яаралтай тусламжийн тоо сум бүрт дунджаар 20 тохиолдлоор буурчээ.