Өмнөговь аймгийн Стандартчилал хэмжилзүйн хэлтсээс “Стандартчилал хэмжил зүйн үйл ажиллагаатай танилцах” аяныг өнгөрсөн долоо хоногт зохион байгуулжээ. Аяны хүрээнд Даланзадгад сумын Ерөнхий боловсролын I, II, III, IV сургуулийн сурагчдын зөвлөл, мөн ахлах ангийн дарга нарын нийт 70 гаруй хүүхэд СХЗХ-ийн үйл ажиллагаатай танилцсан байна. Ингэснээр хүүхдүүд СТАНДАРТ, ХЭМЖИЛ ЗҮЙ , БАТАЛГААЖУУЛАЛТ-ын талаар тодорхой ойлголттой болж,  амьдралд хэрхэн хэрэгждэгийг өөрийн биеэр танилцах боломж бүрдсэн гэж зохион байгуулагчид онцолж байна. Мөн стандартыг дагаж мөрдөх, хэрэгжүүлэх цаашлаад энэ чиглэлээр суралцах, боловсрох хүсэл эрмэллэлийг төрүүлсэн гэж оролцогчид хэлж байна.