27 настай Лора Жилхолм хувцас угаахаар ялгаж, түрүүчийг нь угаалгын машиндаа хийж байх үеэр дэргэд нь хараад сууж байсан 7 настай Поппет муур угаалгын машинд орчихож. “Би үүнийг нь мэдэлгүй хувцасаа нэмж хийгээд л машинаа залгачихсан” гэж Лора ярьж байна. Ингээд машинаа залгачихаад өөр өрөөнд орсноор  хөөрхий муур 50 градусын халуун усанд нэг цаг хэртэй эргэлдэх нь тэр. "Хувцасаа угааж дуусад машин зогсоход л ирээд нээтэл Поппет дотор нь ухаангүй хэвтэж байсан. Тэгээд л би түүнийг сэхээх гэж янз бүрээр оролдож бүр амаараа хиймэл амьсгал хийлээ. Тэгээд болохгүй болохоор нь мал эмнэлэг рүү чадлаараа гүйсэн дээ. Поппе бүр ухаангүй, бараг амьсгалахгүй байхаар нь би түүнийг үүрд алдлаа л гэж бодсон” гэж бүсгүй ярьжээ.
Малын эмч Жон Ганну харин түүнийг сэхээж чадсанаар Манчестерийн Оденшо  хотын энэ муур Лорагийн зургаан настай охин Меган эзэндээ эргэн ирсэн байна. “Одоо бид энэ гашуун түүхээ давтахгүйн тулд муураа хаана явааг байнга харж байдаг болсон” гэж Лора Жилхолм ярьсан байна.