Дэлхийн эрүүл мэндийн байгууллага агаарын бохирдлыг хүний эрүүл мэндэд заналхийлж байгаа хамгийн ноцтой аюул гэж нэрлэсэн тухай “ВВС” агентлаг мэдээлж байна. ДЭМБ-ын мэргэжилтнүүдийн хийсэн сүүлийн судалгаанаас үзвэл 2012 онд бохирдсон агаараас болж долоон сая хүн нас барснаас дийлэнх нь Зүүн Өмнөд Азийн хөгжиж буй орны хүмүүс байжээ. Бохирдсон агаарын хор хөнөөлийг хамгийн эхэлж амсдаг нь хүүхэд, эмэгтэйчүүд. Учир нь тэд ил, задгай гал түлсэн, утаатай байранд удаан байдаг. Агаарын бохирдол хамгийн их байгаа орнууд нь Энэтхэг, Хятад хоёр. Энгийн хийцтэй ч гэлээ утаа алддаггүй, хэвийн ажиллагаатай зуух нь олон сая хүний амийг аврах боломжтой гэдгийг ДЭМБ-ын мэргэжилтнүүд онцлоод Зүүн Өмнөд Азийн орнуудын агаарын бохирдлоос сэргийлэх бодлогооо өөрчлөх шаардлагатай байна гэжээ.