Хөдөлмөрийн үнэлгээний судалгааны дүнгээр эмч нар дунджаар 2,7 сая төгрөгийн цалин авч байгаа гэсэн дүн гарчээ. Гэвч Эрүүл мэндийн салбарын 2014-2016 оны хамтын хэлэлцээрт эмч нарын цалингийн дээд хэмжээг гурван сая төгрөгт хүргэх асуудлыг  Үйлдвэрчний эвлэлийн байгууллагаас санаачлан гурван тал харилцан тохирч тусгасан ч Хөдөлмөрийн яам энэ заалтыг зөвшөөрөхгүй хэмээн хариу ирүүлсэн байна. Хуулийн хугацаанд хэлэлцээрийг бүртгэхгүй байгаа нь  хууль зөрчсөн үйлдэл гэж Монголын Эрүүл мэндийн ажилтны Үйлдвэрчний эвлэлийн холбооныхон үзэж байна.
Үүн дээр ажлын ачаалал ихтэй, хариуцлага өндөртэй эмч нарын төлөө Эрүүл мэндийн яам, ажил олгогч нар нь дэмжин ажиллах гэхээр Хөдөлмөрийн яам зөвшөөрөхгүй байгаа нь эмч хүний хөдөлмөрийг төр засгаас үнэлэхгүй байгаа хэрэг гэж эрүүл мэндийн салбарынхан байр сууриа илэрхийлсэн юм.