Ипотекийн урт хугацаат зээлийн тогтолцоог нэвтрүүлснээс хойш эрэлт эрс нэмэгдэж, орон сууцны үнэ өсч буй юм. “Мастер Пропертис” ХХК-ийн судалгаагаар өнгөрсөн хоёрдугаар сарын байдлаар Улаанбаатар хот дахь орон сууцнуудын метр квадратын үнэ өнгөрсөн оны мөн үетэй харьцуулбал 12 хувиар өсчээ. Тус компанийн судалгааны албанаас орон сууцны үнийн өсөлтийг Ази төдийгүй хөгжилтэй орнуудын үнийн өсөлтөөс илүү хурдацтай байгааг мэдэгдлээ. Тэдний хийсэн судалгаагаар манайд орон сууцны үнэ сүүлийн таван жилийн хугацаанд 52 хувиар нэмэгдсэн байна.