Бээжингийн гудамж буюу БНХАУ-ын Элчин сайдын яамнаас Сансрын тунелийн гэрлэн дохио хүртэлх замыг тохижуулах ажил эхэллээ.

БНХАУ-ын Засгийн газрын хөрөнгө оруулалтаар уг замыг тохижуулна хэмээн албаныхан хэллээ. Тус гудамжны инженерийн шугам сүлжээний ажлыг "Дүүрэн трейд" ХХК гүйцэтгэж байна. Энэ сарын 15-нд "Нийтийн үйлчилгээний Улаанбаатар нэгтгэл" ОНӨААТҮГ-ээс зориулалтын техникээр насжилттай мод, сөөгийг  буулгах аж. Түүнчлэн  тохижилтын ажил дуусангуут ус зайлуулах болон  бохирын усны ажил, замын хөдөлгөөний аюулгүй байдлыг хянах тэмдэг, тэмдэглээ замын гэрэлтүүлэг, явган хүний зам, инженерийн байгууламж, шугам сүлжээ, ногоон байгууламжийг иж бүрэн, цогцоор нь шийдэх юм байна.