Дуучин Жастин Бибертэй нэг нийлж, нэг салсаар бараг хоёр жилийн нүүр үзэх гэж буй дуучин Селена Гомез жинхэнэ хайр сэтгэлтэйгээ учраагүй л явна хэмээн “Seventeen” сэтгүүлийн шинэ дугаарт ярилцлага өгөхдөө хэлжээ. Үүнийхээ шалтгааныг “Магадгүй залуус надаас эмээдэг байх л даа”  хэмээн тайлбарласан дуучин бүсгүй хүчирхэг эмэгтэй байхыг хамгийн их хүсч байгаагаа, мөн өнгөрсөн онд гаргасан “Come and Get It” цомог нь түүнд хэзээнээс дутагдаж байсан өөртөө итгэлтэй зан чанарыг авчирч өгсөн хэмээн ярьжээ.
Хүүхэд байхаасаа Диснейн клубт жүжиглэж эхэлсэн Селена өсвөр наснаасаа л олны танил болж, алдаршсан боловч өөртөө хэзээ ч итгэл төгс байж үзээгүй гэнэ. Учир нь, түүний дэргэд Майли Сайрус, Деми Ловато, Жонасын ах дүүс гээд үеийнх нь авъяаслаг олон хүүхэд байсан учраас тэдний сүүдэрт дарагдаж, өөрийгөө дандаа л тэднээс дутуу гэж үнэлдэг байж. Хоёр жилийн өмнө 20 нас хүрэхдээ Жастин Биберээс салж, жинхэнэ томчуудын ертөнцөд хөл тавьсан тэрээр сүүлчийн цомгоороо өөрийнхөө хүссэн сэдвээр дуулж, бас хүссэн амжилтдаа хүрсэн учраас одоо өөртөө их итгэлтэй болсон хэмээн  “Seventeen”-д ярьжээ.