Өмнөговь аймгийн соёл урлагийн байгууллагын удирдах ажилтнууд сургалтанд хамрагдлаа. Сургалтыг аймгийн ЗДТГ, ССАЖГ нар хамтран зохион байгуулж  17 байгууллагын  27 удирдах албан тушаалтан оролцсон байна.
Энэхүү сургалтанд урилгаар Монголын үндэсний музейн арга зүйн албаны дарга М.Цэрмаа, Соёлын өвийн төвийн Үл хөдлөх дурсгал хариуцсан мэргэжилтэн Г.Анхсанаа, “Ахеl fisher” академийн лектор Ш.Амартүвшин нар оролцсон бөгөөд сургалтанд хамрагдагсад “Музейн ажилтны мэдлэг ур чадварыг дээшлүүлэх нь”, “Үл хөдлөх дурсгалыг хамгаалах арга зүй”, “Удирдахуйн ур чадвар”, “Санхүүгийн бэрхшээлийг даван туулах” зэрэг сэдвүүдээр номын дуу сонссон байна.     
Хоёр өдрийн хугацаанд зохион байгуулагдсан тус сургалтанд аймгийн Засаг даргын орлогч Д.Нацагдорж, аймгийн ЗДТГ-ын НХХ-ийн дарга Н.Жамъянхорол нар оролцож, салбарын хэмжээнд тулгамдаж буй асуудлаар санал солицон шинэ бүтэц зохион байгуулалтын талаар мэдээлэл өгчээ.
Мөн сургалтаар Баян-Овоо,  Гурвантэс, Мандал-Овоо, Ноён, Ханхонгор, Хүрмэн, Сэврэй, Цогтцэций сумын соёлын төвийн эрхлэгч нар ажлын туршлагаасаа  хуваалцаж илтгэл тавьсан. Сургалтын төгсгөлд тэд спортын  нөхөрсөг тэмцээн зохион ХЖТеатрын баг болон сумын Соёлын төвийн баг шилдэгээр шалгарсан байна.