Холливуд дахь дуу бичлэгийн студид ажиллаж буй Жастин Бибертэй уулзахаар ирэх үедээ Селена Гомез паппарацын дуранд өртжээ. Хэдийгээр тэд дурангийн өмнө хамтдаа байгаагаар харагдаагүй боловч студи дотор Ж.Бибер түүний ирэхийг хүлээж байсан хэмээн хэвлэлүүд бичжээ.
Хоёр жил орчмын өмнө салсан хос хоёрыг одоогоор хамтдаа байгаа гэж тэднийг байнга дагадаг паппарацууд хэлж байна. Олон ч удаа сэтгэлийг нь гонсойлгож байсан Жастин Биберт эргэж ирэхийн тулд Селена Гомез найзуудаасаа хүртэл холбоогоо таслахад хүрчээ. Селенаг Жастин Бибертэй үерхэхийг нь төдий л таашаадаггүйгээ ил тод илэрхийлж байсан Тэйлор Свивтээс эхлээд Кендалл Женнер хүртэл хэд хэдэн найзаа Селена орхижээ. Тэрээр олон нийтийн сүлжээнд эдгээр найзуудаасаа холбоогоо тасалсан нь Жастин Бибертэй эргээд нийлэхийг нь найзууд нь дэмжээгүйтэй холбоотой гэж хэвлэлүүд тайлбарлаж байна.

Селена Гомез ийнхүү олон нийтийн сүлжээндээ "цэвэрлэгээ" хийж байх зуур Жастин Бибер нь "Instagram"-аараа учир битүүлэг утгатай мэдэгдэл хийсээр байна. Тухайлбал, тэрээр Нью-Йоркийн төв паркт авахуулсан зургаа нийтлэхдээ "Ирээдүйн эхнэр болох хүндээ энд гэрлэх санал тавих гэж байсан юм. Гэвч заримдаа бүх зүйл өөрчлөгддөг" гэсэн тайлбар бичжээ. Энэ нь магадгүй Селена Гомезыг хэлсэн хэрэг байх хэмээн шүтэн бишрэгчид нь таамаглаж байна.