Америкийн Висконси мужийн Алвин хэмээх тайван хотод энэ аймшигт үйл явдал болжээ. Маккенки Пласс охиныг гэрийнхэн Кензи хэмээн өхөөрдөн дууддаг. Одоогоор бяцхан охин наранд гарч зугаалах боломжгүй байгаа.Учир нь түүн рүү сарын өмнө хөршийн нохой дайрч аймшигтай гэмтэл учруулжээ. Эмнэлэгт хэвтэж байгаа ч хоёр ой зургаан сартай бяцхан охин нохойноос өөрийг нь аварсан ээжээрээ бахархаж, ээждээ хайртай гэдгээ илэрхийлж байгаа гэнэ. Кензи гэрийнхээ үүдэнд дөнгөж гараад ийн хөршийн нохойн дайралтад өртжээ. Охин руу улангасан дайрах нохойг тогтоох гэсэндээ түүний ээж Челси улаан гараараа нохойтой ноцолдож, цагдаа дуудаж чаджээ.

“Ийм байдалд орсон ямар ч ээж хэзээ ч бодож байгаагүйгээр хүчтэй болж, аюулаас бяцхан охиноо аврахын тулд чадлаараа зүтгэх нь ойлгомжтой. Би одоо ч гэсэн нохойтой тэгж тулалдах хүч миний хаанаас гарсныг ухаарч чадахгүй л сууна. Хэзээ ч хүүхэд рүү дайрна гэж бодож байгаагүй хөршийн нохой гэнэт охиныг минь тас татах дөхлөө. Охин руу минь ингэж дайрах болсон шалтгаан нь түүнээс манай нохойны үнэр үнэртсэн байх л даа. Айсандаа би нохой руу дайрснаа л санаж байна. Ямар ч үнээр хамаагүй түүнийг охиноосоо холдуулах ёстой л гэж бодож байлаа.”хэмээн Челси хэлснийхээ дараа “Хүмүүс намайг нохойг цохиж бүүр хазсан гэж байсан” гэв.

Тэрээр нохойтой ноцолдож байхдаа 911 дуудаж амьжсан байна.  Дуудлагаар ирсэн дэслэгч нохойг буудаж гэмтээснээр энэ бүхэн төгссөн аж. Хамгийн аймшигтай нь үүний улмаас охины нүүрсэн дээр маш олон шарх үүссэн бөгөөд амь нас нь аврагдсан ч жилийн турш нарны гэрлээс хол байхыг эмч нар зөвлөжээ.