Америкийн Помпано-Бич хотын Chase банкны нэгэн салбарт энэ сарын 10-ны өдөр нэгэн эр дайран орж ирээд үйлчилгээний ажилтныг дохиоллоо унтрааж, мөнгө өгөхийг шаарджээ. Харин кассын ажилтан сум үл нэвтрэх шилний цаана сууж байснаараа айсангүй, цагдаа дуудсан байна. Дээрэмчин  ч сандран мөнгө эд зүйл авсангүй гарч зугтааж. Харин тэр гарч гүйхдээ үйлчилгээний давцан дээр нэгэн цаас орхисныг цагдаагийнханд өгвөл тэр нь ажилд орохыг хүссэн өргөдөл байх нь тэр. Түүнд мэдээж дээрэмчний нэр хаяг, электрон хаягаас гадна хурууны нь хээ бас байжээ. Цагдаагийнхан үүгээр хөөж өнөөх дээрэмчнийг 39 настай Фелипе Круз гэгч болохыг мэдэж баривчилсан байна. Холбооны мөрдөх товчооны ажилтан Майкл Леверек  “Банк дээрэмдэх гэсэн этгээд өөрийнхөө тухай мэдээлэл бүхий чухал баримт бичгээ хэргийн газарт орхисон байсан” гээд “Дээрэм хийхийн оронд ажил эрж байсан нь дээр байсан юм” гэж хэвлэлийнхэнд мэдээлжээ.