“Монгол цэргийн жавхаа” уралдааны төгсгөлийн шалгаруулалт, шагнал гардуулах ёслолын ажиллагаа энэ сарын 03-нд буюу бямба гарагт Их Эзэн Чингисийн талбайд болох тул 10:00-15:00, 20:00-23:00 цагийн хооронд төв талбайн баруун болон зүүн талын замын хөдөлгөөнийг хаах аж.

Мөн 14:00 цагаас цэргийн жинхэнэ алба хаасан дайчдыг халах хүндэтгэлийн ажиллагаа, 20:00 цагаас Нийтийн үдшийн цэнгүүнийг зохион байгуулах юм. Энэ үеэр  “Монгол цэргийн жавхаа” уралдаан, ёслолын ажиллагаа, үдшийн цэнгүүнд хүрэлцэн ирсэн иргэд автомашинаа төв талбайн ойролцоо байдаг авто зогсоолуудад үнэ төлбөргүй байрлуулах боломжтой юм.

Уг уралдааныг Нийслэлийн Засаг даргын санаачилгаар НЗДТГ, ЗХЖШ, Хил хамгаалах Ерөнхий газар болон ОБЕГ хамтран Улаанбаатар цэргийн хүрээнд байрлах анги, байгууллагуудын дунд 2 дахь жилдээ зохион байгуулж байгаа юм.