Баянхонгор аймгийн  дөрөвдүгээр сургуулийн хоёрдугаар ангийн сурагч Н.Энхбилэг сахуу татрангийн вакцин хийлгэсний улмаас ховор тохиолдох өвчний улмаас хэлийн үзүүр болоод хөл, гарын хурууны үзүүрээс эхлэн үхэжсэн. Монголд эмчлэгдэх боломжгүй гэсэн оноштой ч Солонгосоос эмчлүүлэх боломжтой гэсэн хариу авсан эцэг эх нь монгол түмнээсээ эмчилгээний хандив гуйж, Солонгосыг зорьсон. Охины эмчилгээ маш сайн хийгдэж, Монголдоо ирээд удаагүй байгаа. Есөн настай бяцхан охиныг аврахын тулд тус нутгаас сонгогдсон УИХ-ын гишүүн Х.Баттулга, Д.Ганбат болон нутгийн иргэд сэтгэлийн хандив тусламж өргөсөн билээ. Охины аав ээж хүүхдээ эрүүл саруул болсонд монгол түмэндээ талархаж буйгаа илэрхийлнэ гэдгээ хэлсэн. Тэд эхлээд нутгаасаа сонгогдсон УИХ-ын гишүүддээ талархлаа илэрхийлж уулзсан байна.