ОХУ-ын нийслэл Москва хотын баруун хойд дүүрэгт энэ сарын 6-ны шөнө хүний санаанд оромгүй бузар хэрэг гарсан байна. Зэвсэглэсэн гурван этгээд айлд дайран орж 43 настай эмэгтэйг дунд сургуулийн есдүгээр ангийн сурагч хүүгийнх нь дэргэд зэрлэгээр хүчирхийлээд гар утас, зөөврийн компьютер, гоёл чимэглэлийн зүйл, 100 мянган рубль  дээрэмдэн авч явжээ. Дээрэмчид гар буу, хутгаар зэвсэглэсэн байсан гэнэ. Хууль хяналтынхан зэвсэглэсэн дээрэмчдийг орцны үүдэндэх хяналтын камерт үлдсэн дүрсээр нь олно гэж найдан хайж байна. Эх хүү хоёрт эмнэлгийн болон сэтгэл заслын тусламж үзүүлсэн байна. Тэд дээрэмчдийг урьд нь огт хараагүй танихгүй хүмүүс байсан гэжээ.