Эх орон, бай­галь дэлхийгээ хайр­ладаг уламж­лалт монгол зан занш­лаа дээдэлж, хүн бүр байгалиа нө­хөн сэргээх, хам­гаа­лахад гар бие орол­цох нөх­цөл бүрдүүлэх зо­рил­гоор Мон­гол Улсын Ерөнхий­лөг­чийн зарлигаар жил бүрийн тав, арав­­дугаар  сарын хоёр дахь долоо хоногийн бямба гарагийг бүх нийтээр мод тарих үндэсний өдөр болгон тэмдэглэдэг.
Өмнөговь аймгийнхан энэ өдрийг тэмдэглэн бүх нийтээр мод тарьжээ. Мод тарих үйлсэд Даланзадгад суманд үйл ажиллагаа явуулж буй 69 байгууллага идэвхтэй оролцож, 3000 гаруй суулгац тарьсан байна. Тухайлбал, говьд хамгийн тэсвэртэй усалгаа бага шаарддаг хайлаас тариалсан байна. Мөн бүйлс, харгана зэргийг тарих боломжтойг ч зохион байгуулагчид хэлэв.
Энэ жилийн мод тарих өдрөөр аймгийн төвийн төв  цэцэрлэгт хүрээлэн, “Ажнай” талбай орчим, аймгийн төвөөс хойш Морь барианы талбай хүртэлх долоон км авто зам дагуу мод тарьсан байна. Энэ жилийн онцлог нь эдгээр газраас гадна Даланзадгад сумаас Улаанбаатар чиглэлд эхтэй орон нутгийн төсвийн хөрөнгө оруулалтаар баригдсан 5 км хатуу хучилттай авто зам дагуу мод тарьсан юм. Мод тарьсан байгууллагууд арчилахыг өөрсдөө хариуцах бөгөөд хоёр жилийн дараа Ойн албанд хүлээлгэн өгнө. Ингэснээр цөлжилтөөс сэргийлэх, ач холбогдолтой болох юм.