“Буянт-Ухаа-1” хороололд орон сууц захиалсан иргэдийн сугалааг өнөөдөр МҮОНТ-ийн хоёрдугаар сувгаар шууд дамжууллаа.

Зорилтот бүлэг буюу ахмад настан, хөгжлийн бэрхшээлтэй иргэд, залуу гэр бүл гэсэн ангиллын сугалааны бүртгэлийн эздийг тодруулахад нийт 594 иргэн байр худалдан авах эрхээ баталгаажуулсан юм.

Уг хорооллын бүртгэлд нийт 9094 иргэн бүртгүүлснээс 3991 төрийн албан хаагч, 2392  өндөр настан, 1370 залуу гэр бүл, 981 хөгжлийн бэрхшээлтэй иргэн байв. Үүнээс тодорхой шалгаруулалт явуулсны дагуу 5935 иргэн сугалаанд оролцож байгаагаас 2740 төрийн албан хаагч, 947 залуу гэр бүл, 1748 ахмад настан, 500 хөгжлийн бэрхшээлтэй иргэд хоёр өдөр үргэлжлэх сугалаанд оролцох юм. Үлдсэн сугалааны тохирлыг маргааш МҮОНРТ-ийн хоёрдугаар сувгаар 10.00-14.00 цагийн хооронд явуулна.