Испанийн цагдаагийнхан британийн 56 настай саятан Шоха Шохой гэгчийг хүмүүсийг хулгайлан барьцаалж удаа дараа хүчирхийлсэн хэргийн учир баривчилсан байна. Түүний Марбелье хотын Коста-дель-Соль амралтын газар дахь  харшийг нь нэгжих үед тэнд хоригдож байсан есөн залуу эмэгтэй олджээ. Тэдний долоо нь барьцаалагч саятны хүүхдийг төрүүлсэн байсан гэнэ. Барьцаанд байсан эмэгтэйчүүдийн дунд Орос, Казахстан, Дани, Монголын иргэд байжээ. Цагдаагийнхан барьцаанд байсан эмэгтэйчүүдийн нэрийг зарлаагүй байна. Бүсгүйчүүд бүгд Их Британид загвар өмсөгчийн сургуульд сурахаар ирээд Шохойгийн урхинд орсон гэж ярьжээ. Шохой өөрийгөө баруун европт үл хөдлөх хөрөнгийн наймаа эрхэлдэг,  Барак Обама, Владимир Путинтай ойрын танил, загварын ертөнцөд ороход нь тусалж чадна гэж ярьж өөрийнхөө харшид урьсан гэнэ.
Ингээд л тэдний боолын амьдрал эхэлж Шохой тэднийг болон ар гэрийнхнийг нь хөнөөнө хэмэн сүрдүүлж байжээ.
Харин Шохой өөрийгөө ямар ч  буруугүй, бүсгүйчүүд гэрт нь яг л зочид шиг эрх чөлөөтэй байсан, тэдний гуравтай нь бэлгийн ямар ч харьцаагүй, харин хоёр нь хүүхдийг нь төрүүлсэн гэж мэдүүлж байгаа юм байна хэмээн украины http://fakty.ua/ болон гадаадын сайтууд мэдээлжээ.