Ерөнхий боловсролын сургуулийн бага ангийнхны зуны амралт энэ сарын 25-наас эхэлнэ. Тиймээс нийслэлийн ногоон бүсэд үйл ажиллагаа явуулдаг хүүхдийн зуслангууд эхний ээлжээ хүлээн авах бэлтгэлээ базаагаад байна. Энэ жил 15 зуслан хүүхэд багачуудыг хүлээн авах нь. Тэд ирэх сарын 2-ноос эхний ээлжийн амрагчдаа хүлээн авах ажээ.
Дээрх зуслангуудаас хамгийн томд тооцогдох олон улсын “Найрамдал” ирэх сарын 2-нд эхний амрагчдаа хүлээж авах гэнэ. Тус зусланд 6-18 хүртэлх насны хүүхдүүд амрах эрхтэй. Төлбөр нь 125-164 мянган төгрөгийн хооронд хэлбэлзэх юм байна