ССАЖЯ-ны харьяа УДБЭТ, Уран зургийн галерей, Үндэсний музей, Үндэсний номын сан, Үлэг гүрвэлийн төв музейн захирлын албан тушаалд томилогдох ажилтны сонгон шалгаруулалтыг зарлалаа.

Сонгон шалгаруулалтыг Төрийн албаны зөвлөлийн 2014 оны 60 тоот тогтоолоор баталсан “Төрийн үйлчилгээний албаны удирдах албан тушаалд томилогдох ажилтныг сонгон шалгаруулах журам”-ын дагуу зохион байгуулах юм.

Сонгон шалгаруулалтад орохыг хүссэн иргэн Төрийн албан хаагчийн анкет, Боловсролын  дипломын нотариатаар гэрчлүүлсэн хуулбар 2 хувь,  Монгол Улсын иргэний үнэмлэх /нотариатаар гэрчлүүлсэн хуулбар/,  Ажилласан жилийг тооцох Хөдөлмөрийн болон нийгмийн даатгалын дэвтрийн хуулбар, эх хувийн хамт, Ажил байдлын тодорхойлолт, 2 хувь цээж зураг, Тухайн албан тушаалд томилогдох хүсэлт, өөрийн мэдлэг ур чадвараа илэрхийлсэн өргөдөл /cover letter/,  Шалгалтын үйлчилгээний төлбөр зэргийг бүрдүүлэн өөрийн биеэр ирж бүртгүүлнэ.

Сонгон шалгаруулалтыг энэ сарын 22-ны өдөр зохион байгуулах юм.