Улсын хэмжээнд газрын тос олборлолт өнгөрсөн онд 650 мянган тонн байсан бол энэ жил  800 мянган тонн болж нэмэгдэх төлөвтэй байгааг Газрын тосны газраас мэдээллээ.

Ингэснээр шинээр байгуулах Дархан газрын тос боловсруулах үйлдвэрт шаардагдах түүхий тосны хэрэглээг  хангах боломж бүрдэнэ хэмээн албаныхан онцолж байна. Дархан газрын тос боловсруулах үйлдвэрийн ТЭЗҮ-ийг боловсруулах ажил Чойр, Сайншандын чиглэлд судалгааны ажил хийснээр дуусах гэнэ. Газрын тос боловсруулах үйлдвэрийг 2017 он гэхэд ашиглалтад оруулахаар төлөвлөжээ.