Нийслэлд хийж буй бүтээн байгуулалтын ажил хоёр жилийн хугацаанд маш эрчтэй явж байгаа ч бизнесийн орчинг ээлтэй болгох, төрийн дарамт шахалтыг багасгах асуудлаар санаачилгатай ажиллах даалгаврыг хотын удирдлагад бүлгийн хуралдаанаар өгчээ. Маргаан дагуулж буй “Гудамж” төслийн ажлыг 2014 онд Эдийн засгийн хөгжлийн яамтай хамтран үргэлжлүүлэн хийж, хөдөө орон нутагт ч явуулах ёстой гэж үзжээ. Мөн шаардлагатай нэмэлт хөрөнгийг шийдэж өгөх, нийслэлийн бүтээн байгуулалтын ажлыг өмнөх жилээс бууруулахгүй байх үүргийг Эдийн засгийн хөгжлийн сайд Н.Батбаярт сайдад үүрэг болгосон байна. Үүнээс гадна Туул голын дагуух хурдны замыг барих ажлыг эхлүүлэх нийслэлийн бүтээн байгуулалтын хөрөнгө оруулалтын асуудлыг шийдэж өгөхийг мөн чиглэл болгожээ.