Урьдчилан хорих төвд хоригдож байгаад саяхан нас барсан, Газрын тосны хэрэг эрхлэх газрын дарга асан Д.Амарсайханыг Эрүүгийн хуулийн 166.2, 268.2, 269.1-д заасан зүйл ангиудаар буюу онц их хэмжээний мөнгө угаасан, хээл хахууль өгсөн, авсан хэрэгт буруутган шалгаж байсан. Түүнтэй хамт буюу гэмт хэргийг хамтран үйлдсэн хэмээн Х.Анхбаяр, Н.Отгонболд, А.Чандмань гэсэн  гурван хүнийг бас  сэжигтнээр татаад байгаа. Авлигатай тэмцэх газар болон Нийслэлийн прокурорын газар энэ хэргийг шалгаж дуусаад  шүүхэд шилжүүлснийг өнөөдөр Дүүргийн Эрүүгийн хэргийн анхан шатны хоёрдугаар шүүхэд өнөөдөр хэлэлцэнэ.
Гэхдээ хэрэгт холбогдогчийн нэг нь нас барсан болохоор шүүх хурлыг хойшлуулах, түдгэлзүүлэх, нас барсан хүний хэргийг тусгаарлах асуудлыг шүүх хэлэлцэж байгаа болохоор шүх хурал товлосон ёсоор болох эсэх нь тодорхойгүй байна.