Боб, Берни хоёр бүр 1940-өөд онд уулзалдаж, бүсгүй 14-тэй, залуу 16 настай байхаасаа л харилцан хайр сэтгэлтэй болж. Гэсэн ч хэдхэн жилийн дараа дэлхийн хоёрдугаар дайн тэдэнд садаа болж Боб дайнд мордсон байна. 18 настай Берни ч Их британийн зэвсэгт хүчний харьяа шархдагсдын эмнэлэгт сувилагчаар ажиллаж. Эхлээд тэр хоёр захидлаар харилцаж байсан ч сүүлдээ бүсгүйн ээж тэднийг амьдрал холбох хос биш хэмээн захидлыг нь нуудаг болсон байна.
Ингээд сураг тасарч дайны дараа Боб Хамфрис гэрлэж гурван хүүхдийн аав болсон бол Берни бас гэрлэн Шинэ Зеланд руу нүүж бас гурван хүүхэд гаргасан байна. 
2011 онд Бернигийн охид Хамфрисыг Англидаа амьдарч байгааг мэдэж ээжтэйгээ холбоо бариулжээ. “Намайг утас авахад л тэр яагаад сураг тасарсан, юу тохиолдсон бэ гэж асуусан. Би харин юу ч хариулж чадалгүй зүгээр л уйлаад байлаа” гэж Берни ярьсан байна.

Ингээд хүүхдүүд нь Берниг Англи руу нь буцаахаар шийдсэнээр 89 настай Боб Хамфрис, 87 настай Берни хоёр хуримаа хийсэн байна. “Бид хоёр хоёулаа насан өндөр болж эрүүл мэнд ч муудсан. Магадгүй бид хамтдаа ганц хоёрхон жил амьдарч мэднэ. Гэхдээ л энэ хугацаа бидний амьдралын хамгийн аз жаргалтай мөч байх болно. Яг л залуу юм шиг санагдаж байна” гэж Берни хатагтай ярьжээ.