2014 оны дэлхийн аварга шалгаруулах тэмцээний бэлгэ тэмдгийг Бразилийн Африка нэртэй агентлаг бүтээсэн байна. Ногоон, шар, улаан өнгө хосолж, ДАШТ-ий цомыг гурван гар ороон барьж байгааг дүрсэлсэн бэлгэ тэмдгийг Fuleco буюу “урам зориг” гэж нэрлэжээ. 2010 оны дэлхийн аваргын тэмцээний үеэр Йоханнесбургт энэхүү бэлгэ тэмдгийг олон нийтэд танилцуулсан билээ. Fuleco нь хөлбөмөг (futebol), байгаль орчин (ecologia) гэсэн утгатай үгнээс үүдэлтэй. Бразильд ховордож буй “тату-бола” хэмээх амьтан дүрсэлсэн. Хамгийн анх хөлбөмбөгийн ДАШТ-ий бэлгэ тэмдгийг 1966 оны дэлхийн аваргын тэмцээнд бүтээж байсан гэдэг. Их Британичууд тухайн үед улсынхаа далбааны өнгө бүхий өмсгөлтэй бяцхан “Вилли” арсланг бэлгэ тэмдэг болгож байв. Мөн 2006, 2010 оны дэлхийн аварга шалгаруулах тэмцээн арслангаар бэлгэдэж байж. Энэ удаагийн дэлхийн аваргын тэмцээнд “Адидас” брэндийн “Бразука” бөмбөгөөр тоглох юм.