Инээвэл залуужина, нас уртсана гэдэг дээ. Гэтэл инээснээсээ болоод тэр дороо насан эцэсэлсэн гашуун түүх бас байна аа. Тэгэхээр чангаар инээх, удаан инээх нь амь насанд цөвтэй байх нь. Өөрөөр хэлбэл инээд эм юм бол тунг нь тааруулахгүй бол бас хордлого болж үхэлд хүргэдэг байх нь.

Инээднээсээ болж насан эцэслэсэн тохиолдол түүхэнд нэг биш байдаг байна.
Эртний грекийн философч Крисипп нэг удаа илжигэндээ дарс өгчихөөд, тэр нь хөлчүүрхэж модноос инжир жимс авч идэх гэж байхыг нь харан инээсээр өөд болсон гэнэ.

Италийн жүжгийн зохиолч, хошин шогч Ренессанс Пьетро Аретино халамцуу үедээ сонин онигоо сонсоод инээсээр байгаад нас барсан гэдэг. Өөр нэг хувилбараар бол инээж байхдаа савж унахдаа тархиа хагалаад нас барсан гэдэг.
Шотландын зохиолч Томас Уркухарт их хөгжилтэй хүн байж энэ нь ч түүний амийг авч одсон гэнэ.  Тэрээр Шотландын Карл  II хаан арал дээр явган нүцгэн зугтааж ирснийг сонсоод шоолон инээсээр байгаад амь алдсан гэнэ.

Манай эрин үед ч гэсэн инээднээсээ болж амиа алдсан хүн нэг биш. Английн барилгачин-чулуучин Алекс Митчелл 1975 оны гуравдугаар сард телевизээр британийн хошин шогийн “Гудиз” хөтөлбөр үзэж байгаад 25 минутын турш инээгээд зүрх нь тэсээгүй гэдэг. Харин түүний бэлэвсэн эхнэр нь телевизийн суваг руу утасдаж нөхөрт нь ийм таатай үхэл бэлэглэсэнд талархал илэрхийлсэн гэнэ.

2003 онд Таиландын нийслэл Бангкокт мөхөөлдөс зөөдөг машины жолооч, 52 настай Саен-Ум бас л хоёр минутын турш тасралтгүй инээж байгааг насан өөд болжээ.