Ашигт малтмалын газрын дэд дарга М.Ариунбаяраас эрдэс баялгийн олборлолтын талаар тодрууллаа.

 -Хэчнээн га талбайд ашиглалтын лиценз олгоод байгаа вэ?
-Өнөөдөр ашиглалтын 1300 орчим лиценз 700 гаруй мянган га талбайд  бий. Үүний 60 мянган га талбай нь өнөөдөр олборлолтод өртсөн. Гадаад дотоодын хөрөнгө оруулалттай 800 гаруй үүнийг эзэмшиж байгаа.

-Ямар ашигт малтмал олборлолтын өсч байна вэ?
-Сүүлийн хоёр жил нүүрс төмрийн хүдрийн олборлолт, экспорт огцом нэмэгдлээ. Мөн жоншны экспорт ч нэмэгдсэн. Зэс молибдений баяжмал тогтвортой байна. Харин алт олборлолт буурах хандлагатай болсон. Үүний шалтгаан нь хууль эрх зүйн зохицуулалттай холбоотой. Хүмүүсийн ярьж заншсанаар урт нэртэй хууль гол нөлөө үзүүлж буй юм.

-Урт нэртэй хуулиар одоо хэчнээн лиценз цуцлаад байна вэ?
-Эхний ээлжинд 33 лиценз цуцлах шийдвэр гарсан.

-Тэгээд тэдэнд хэдэн төгрөгийн нөхөн төлбөр өгөх юм бол?
-Одоо энэ цуцлаж байгаа лицензүүдэд ямар ч нөхөн төлбөр олгохгүй.  Тэдгээр аж ахуйн нэгж өөрсдөө нөхөн төлбөр авахгүй гэж мэдэгдсэн. Нийтдээ хэчнээн төгрөгийн нөхөн төлбөр өгөхийг нь ажлын хэсэг нь мэдэж байгаа.