Яг одоо гадуур дэлгэрээд байгаа ханиадыг хүмүүс өөрсдөө эмчлэх гэж оролдон эмчийн зааваргүй эм ууж байгаагаас бага насны хүүхдүүд хүндээр өвдөх болжээ. Ханиадны шинж тэмдгүүд нь эхний үед хоолой өвдөх, идээлэх, улмаар өндөр хэм хүрч халуурах, хордлогод орох, бүх бие үе мөчөөрөө өвдөх, биеийн зарим хэсгээр харшил өгөх зэргээр илэрч байна. Түүгээр ч зогсохгүй менингит, шар өвчний үндсэн шинжүүд ч илэрч байгаа гэнэ. Толгой хүчтэй өвдөх, даралт хэлбэлзэх, дотор муухайрах, ядарч сульдах, хоолонд дургүй болох, нойр хүрэх, захын мэдрэлийн ажиллагаа алдагдах, гар хөл даарах, сулбайх шинж ажиглагдаж байгаа юм.
Эдгээр шинж тэмдэг илэрсэн үед эмчилгээний дараах аргуудыг хэрэглэх нь илүү үр дүнтэй гэж эмч зөвлөж байна.
-Халуурсан үед парацетомол уухгүй байх, харин амидопирины уусмал хэрэглэх.
- Аль болохоор тайван байх, орондоо орж дулаан унтах. Вирусийн гаралтай ханиадны үед унтаж амрах нь маш чухал .
-Ханиадны үед уургийн дутагдалд ордог тул хоолоор уургаа нөхнө. Малын бөөр, зүрхийг байцаа, сонгинотой хольж жигнэж идвэл сайн.
- Аарц буцалгаж уух.
-Элэгний нухшийг чанасан, жигнэсэн байцаатай хамт идвэл сайн.
-Үе мөч хөрч, өвдөж байгаа үед халуун бигнүүрээр жин тавих, горчиз наах, гэрлээр шарах нь тустай.
-Ам хурдан хатаж цангадаг тул бүлээн ногоон цайн дээр бага зэрэг лимоны шүүс нэмж ойр ойрхон уух.
-Витамин В12–ыг шилнээс нь соруулан лийртэй хамт хольж уух.
- Хоолой, ам, хамраа ойр ойрхон сайтар цэвэрлэх.
Энэ бүгдээс хамгийн чухал нь, сайн унтаж, уургийн дутагдлыг нөхөн, шингэн зүйл сайн уух хэрэгтэй.