Камбожид нэгэн жаал хүүгийн худагт унагасан 3000 риель буюу америкийн 75 центийг авах гэж оролдоод долоон хүн амь алдсан эмгэнэлт хэрэг гарчээ. Зургадугаар сарын 1-ний өдөр тус улсын баруун хойд нутгийн нэгэн сууринд энэ явдал болж 11 настай хүү таван метрийн гүн худагт мөнгөө унгаад авах гэж байгаад осолджээ. Дараа нь хүүгийн ах бас хойноос нь орсон ч мөнгөө ч олсонгүй, дүүгээ ч аварч чадаагүй байна. Харин нэг  эрэгтэй  худаг руу шат тавин ороод юм ч ололгүй гарч ирээд гэртээ хариад энэ тухай ярихыг сонсон хөршүүд нь бас мөнгийг олоод авчих санаатай очоод бас осолдсон гэнэ.
Хамгийн анх мөнгөө унагасан жаал хүүгийн эгч “Миний дүү энэ мөнгө бидэн шиг ядуу хүмүүсийн хувьд их мөнгө гэж бодсон л байх” гэж ярьжээ.
Ингээд эцэст нь худагт жаал хүү, түүний 15 настай ах, 13 настай эгч, хөршийн нь дөрвөн хүн осолдож амь алджээ.