Хөлбөмбөгийн дэлхийн аварга шалгаруулах тэмцээн болох Бразилийн бас нэг хот Куритибад 50 гаруй ажилчин цалин хөлсөө авах гэж тэмцээн болох “Арена Байшада” цэнгэлдэх хүрээлэнгийн дэргэд цуглаан зохион байгуулж ажил хаяхаа мэдэгджээ. Жагсагчид хөл бөмбөгийн “Атлетико Паранаэнсе” клубийн удирдлагаас хөлсөө нэхэж, энэ орчмын тээврийн хэрэгслийн хөдөлгөөнийг хаана гэсэн байна. Клубийн төлөөлөгчид тэднийг зам чөлөөлж холдохыг шаардлаа хэмээн хэвлэлүүд мэдээлжээ.
“Энэ бол хөдөлмөрийн хөлсийг минь өгөлгүй саатуулж байгаа гуравдахь тохиолдол. Уг нь барилгын ажил дуусчихаад байхад ингэж байгаа нь маш муу” гэж жагсагчдын нэг хэлсэн байна.
Куритиба хотын “Арена Байшада” цэнгэлдэх  хүрээлэнд хөлбөмбөгийн дэлхийн аварга шалгаруулах тэмцээний Орос-Алжирын багийн тэмцээн энэ сарын 26-нд болох юм.