Илүүдэл жинтэй, тарган хүмүүс нурууны нугалам гэмтэх, ууц нуруугаар өвдөх өндөр эрсдэлтэй болохыг судалгаагаар тогтоожээ. Хүний биеийн өндөр, жингээр тодорхойлдог биеийн жингийн индекс нь ууц нурууны өвдөлттэй тодорхой хэмжээгээр холбоотой байгааг уг судалгаагаар илрүүлсэн байна.  
Хятадад ууц нуруу нь өвддөг  2000 гаруй хүнийг хамруулан судалгаа хийхэд тэдний ихэнх нь илүүдэл жинтэй байсан бөгөөд энэ нь ууц нуруугаа гэмтээх, өвчлүүлэх нэг гол шалтгаан болжээ. Биеийн жин нэмэгдэхийн хэрээр нурууны ясан дээр ирэх ачаалал ихэсч улмаар гэмтэж эхэлдэг байна. Түүнчлэн өөхний эс нь архаг үрэвслийг бий болгох шалтгаан болдог гэнэ.