Окуношима бол японы Хирошима болон Сикоку хоёрын  дунд Дотоод тэнгист байх жижигхэн арал.

 Дэлхийн хоёрдугаар дайны жилүүдэд энд хорт хий болон химийн зэвсэг турших талбар байгуулсан байж. Одоо бол туулайны орон гэж болно.

Ердөө 700 мянган хавтгай дөрвөлжин метр талбайтай энэ арал дээр 1971 онд олон тооны туулай авчирснаар тэд эндхийн оршин суугчидтай эрх тэгш амьдрах болж тоо толгой нь хэдэн зуу, мянгад хүрчээ.

Туулайнууд энэ арал дээр эрх дураараа зугаалж, хүмүүсээс огт айхгүйгээр эрхэлж наадан гар дээрээс нь юм иднэ.

Жуулчид ч туулайнуудыг харж баясах, тэднийг хооллох гэж хэрэг болгон идэх зүйл аван зориуд энэ арлыг зорино.

Эрх баригчид ч туулайнуудыг айлгаж ичээх , барих вий хэмээн энэ арал дээр нохой, муур бусад амьтан авчрахыг хориглодог байна. Окуношима бол туулайны диваажин.