Эрүүл хүний хумс бага зэрэг ягаавтар өнгөтэй байдаг. Хүнд өвчтэй хүний хумсан дээр дарахад ягаан өнгө нь түргэн эргэвэл эдгэрэх, эсрэгээр бол өвчин аюултай байгаагийн шинж гэж эртний оточ нар үздэг байжээ. Хумс шарлах нь элэг цөсний өвчний шинж бол ногоовтор шар өнгө нь идээт процессийн шинж гэнэ. Харин бараан хүрэн өнгө нь хүнд хэлбэрийн ханиад, мэнгэр туссаныг илтгэж, улаан өнгө үе мөч үрэвссэнийг анхааруулна. Цайвар улаан өнгө цусны өвчин, цэнхэрдүү, хөх өнгө зүрхний төрөлхийн гажигтай байж болохыг илтгэдэг байна. Харин хумсан дээр цагаан толбо тогтох нь мэдрэлийн системийн үйл ажиллагаа доголдсоныг, хөндлөн цагаан зураас гарвал ходоод өвчилснийг харуулдаг.
Хумсны өнгөнөөс гадна хэлбэрээр нь бас эрүүл мэндээ тодорхойлох боломжтой гэнэ.