Өмнөд Солонгосын хилийн цэргийн 23 настай түрүүч Им хамт алба хааж байсан нөхдөө буудсаны улмаас 5 хүн амь алдаж өөр долоон хүн шархадсан хэрэг гарчээ. Өмнөдийн “Ренхап” агентлагийн мэдээлснээр бол энэ гэмт хэрэг хоёр  Солонгосыг заагладаг  цэрэггүй бүсийн ойролцоо байдаг бага сургуулийн дэргэд гарсан байна.
Хэрэг гарсны дараа зэвсэглэсэн этгээдийг цэргүүд бүслэн хааж буудалцах үеэр бас нэг офицер шархаджээ. Цэргийнхэн гэмт этгээдтэй хэлэлцээ хийхийг оролдсон ч өөдөөс нь буудаж хариу барьж буудаад  зэвсгээ аван оргож нуугдсан байна. Ойролцоо орон сууцны барилгууд байсан ч оршин суугчид гэрээсээ гарахгүй байснаар өртөж гэмтээгүй гэнэ.
Одоо тодорхой болж байгаагаар бол тэр түрүүч харуулаас бууж ирмэгцээ нөхдийнхөө дунд гар бөмбөг хаяад, дараа нь автомат буугаар гал нээж 10 гаруй сумаар бууджээ. Түүнд 60 сумтай К-2 автомат винтов байсан гэнэ.
Их сургуулийн нэгдүгээр курсээс татагдсан Имд цэргээс халагдахад ердөө гуравхан сар үлдээд байжээ.
Даваа гарагийн өглөөгүүр Өмнөд Солонгосын Батлах хамгаалах яам болсон үйл явдалтай холбогдуулан талийгаачдын ар гэрт эмгэнэл илэрхийлэн, ард түмнээсээ уучлал гуйсан байна.