Италийн цагдаагийнхан зохион байгуулалттай гэмт хэрэгтэй тэмцэх тусгай ажиллагааны явцад Сицилийн мафийн гишүүн 95 хүнийг баривчилсан байна. ИТАР-ТАСС агентлагийн дамжуулснаар бол баривчлагдсан хүмүүсийн дунд нутгийн мафийн нөлөө бүхий гишүүд байжээ. Тэднийг дээрэм, хүмүүсийг сүрдүүлэн дарамтлах болон санхүүгийн хууль бус ажиллагааны хэрэгт буруутгаж байгаа юм байна. Хууль хяналтын байгууллагууд баривчилгааны үеэр тэднээс 1,0 сая орчим евро хураан авчээ. Саатуулагдсан хүмүүсийн үйл ажиллагаа нь Палермо хотын орчимд илүүтэй явдаг байсан гэнэ. Өнгөрсөн дөрөвдүгээр сард сицилийн мафийн “загалмайлсан эцэг” гэдэг Доменике Ранкадорег британийн нислэл Лондонгийн баруун хэсэг дэх өөрийнх нь гэрээс баривчилсан юм.