Хүннү гүрний тулгар төр байгуулагдсаны 2223, Их Монгол Улс байгуулагдсаны 808, Ардын хувьсгалын 93 жилийн ойн их баяр наадмын хөтөлбөр өнөөдрөөс эхэлж байна. Төлөвлөгөө ёсоор урианхай сурын харваа өнөөдөр Төв цэнгэлдэхийн сурын талбайд 09:00 цагт эхлэх юм. Харваачид оройн 19 цаг хүртэл өрсөлдөнө. Дараагийн өдөр нь буриад сурын харваа, 9-ний өдөр хүүхдийн сурын харваа бүтэн өдрийн турш үргэлжлэх аж. Харин баяр наадмын үндэсний сурын харваа 10-нд эхэлнэ. Хана харвааны гурван өрөг, хасаа харвааны гурван өрөг гурван өдөр үргэлжилнэ. Үндэсний сурын харвааны оргил үе шилдэг найман харваачийн өрсөлдөөн 12-нд өрнөх юм байна.