Өмнөд африкийн бүгд найрамдах улсад лалын заншил ёсоор эр хүн болох гэж хөвчөө таслуулсан 26 хүүхэд амь алдсан харамсалтай хэрэг гарсан байна. Өөр бас 104 хүү халдвар авсны улмаас эмнэлэгт хүргэгджээ. Ийм ёслолыг хууль бусаар хийж, хөвч таслахдаа мэргэжлийн бусаар ажилласан хэмээн долоон хүнийг баривчлан шалгаж эхэлсэн байна. Уламжлалт нийгэмлэгийн сайдын орлогч Обед Бапела “Халдвар авсны улмаас 104 хүүхдийг эмнэлэгт хэвтүүлэн эмчилж байна. Бид хүүхдүүдээ ингэж амь алдахыг хараад сууж байж чадахгүй. Энэ явдлыг эцэс болгох ёстой” гэжээ.
Өнгөрсөн жил бас эдний Мпумаланга мужид гэхэд л ийм ёслолоос болоод 27 хүүхэд амь алдаж байсан юм. ӨАБНУ-ын ерөнхийлөгч Жейкоб Зума энэ хэргийг цаг алдалгүй мөрдөн шалгахыг үүрэгдсэн байна.
Саяын ёслол гурван долоо хоног үргэлжилж мянга мянган хөвгүүдийг орлцуулжээ. Жил бүр баяхан хөвгүүдийг эр хүн болгох ёслол лалын орнуудад болж ӨАБНУ-д ардын дуу дуулан бүжиж баярлацгаадаг юм.