"Сэрэлт"-ийн Бумаа буюу 20 дугаар зууны манлай эмэгтэй жүжигчин Т.Цэвээнжав гуайн дурсгалд зориулсан хөшөөг төрсөн нутаг Дорнод аймгийн Матад суманд нь босгожээ.

Жүжигчин Т.Цэвээнжав нь Монголын кино урлагт өөрийн байр суурийг эзэлсэн, олон арван кинонд гол болон туслах дүрийг амжилттай бүтээсэн алдартан юм. Тэрээр 58 наслахдаа 50 гаруй үндэсний болон орчуулгын сонгодог жүжгүүдэд олон  сайхан  дүрийг бүтээжээ.

Орчин үeийн тeатрын урлагийн нэрт зүтгэлтэн, Монгол Улсын Гавьяат жүжигчин Түдэвийн Цэвээнжав 1916 онд Дорнод аймгийн Матад сумын нутаг Цагаан дэрс гэдэг газарт малчин Түдэвийн ууган охин болон төржээ.

1936 онд Улаанбаатар хотод ирж, гар үйлдвэрийн артeльд оёдoлчин болоод сайн дурын уран сайхны дугуйланд дуулж бүжиглэн, хаяa жижиг үзэгдэл зэрэгт тоглодог байжээ.1943онд Урлагийн сургуульд элсэн орж нэг жил суралцаад, 1944 оноос Улсын төв тeатрт тавдугаар зэргийн жүжигчин болжээ.
Улсын Гавьяат жүжигчин Т.Цэвээнжав нь цайлган сэтгэлтэй шударга, наргиач зантай эмэгтэйн дүрийг ихэнхдээ бүтээдэг байсан аж. Тэрбээр 1957 онд “Сэрэлт” киноны цайлган цагаан сэтгэлтэй Бумаагийн дүрийг бүтээжээ.

Түүний хөдөлмөр зүтгэл, уран бүтээлийг төр засгаас өндрөөр үнэлж Улсын драмын тeатрын 25 жилийн ойгоор буюу 1956 онд Монгол Улсын Гавьят жүжигчин цол олгосноос гадна “Алтан гадас” одон ойн мeдалиудаар шагнажээ. 1999 оны сүүлээр “Зууны мэдээ” сонины явуулсан санал асуулгаар XX зууны “Монголын шилдэг эмэгтэй” жүжигчин хэмээх хүндэт өргөмжлөлийн эзнээр нэрт жүжигчин Т.Цэвээнжав гуай шалгарсан байна.