Японы “Зүрх хамгаалах төсөл” ТББ нь Дорнод аймгийн Чойбалсан хотод энэ сарын 9-11-нд үзлэг хийхээр боллоо.

Тус төв нь “Хариу нэхээгүй тус” ТББ-тай хамтран зүрхний төрөлхийн гажигтай хүүхдүүдэд сүүлийн жилүүдэд үнэ төлбөргүй үзлэг хийж байгаа юм. Японы эмч нар жилд хоёр удаа Монголд ирж, үнэ төлбөргүйгээр үзлэг, оношилгоо хийдэг байна.

Хэрэв зүрхний төрөлхийн гажиг болон зүрхний өвчтэй хүүхдүүд байвал та бүхэн хүүхдүүдээ тус аймгийн нэгдсэн эмнэлэгт дагуулан ирж үнэ төлбөргүй үзлэгт хамруулах боломжтой.