Халхын голын дайны ялалтын 75 жилийн ой энэ жил тохиож буй юм. 1939 онд Монголын дорнод хилийн Халх гол орчимд Японы цэргийн хүчийг Монгол, Зөвлөлт холбоот улсын хамтарсан хүчээр бут цохиж, Монгол Улсын тусгаар тогтнол, бүрэн эрхт байдлыг хамгаалсан билээ.

Энэ дайнд оролцсон ахмад дайчдын гавьяа зүтгэлийг алдаршуулах, хойч үеийнхэнд эх оронч үзэл сэтгэлгээ төлөвшүүлэх, ОХУ-тай тогтоосон найрсаг харилцаагаа бэхжүүлэхээр 1939 оны ялалтын ойг энэ сарын 15-наас эхлэн тэмдэглэх гэж буй. Тэгвэл тус ойд оролцох Оросын цэргүүд Дорнод аймагт буусан байна. Өнөөдөр цувааны хоёрдугаар ээлж ирэх аж.