Монгол Улсын Засгийн газрын 2014 оны 61 дүгээр тогтоолоор Халхын голын 1939 оны дайны ялалтын 75 жилийн ойг улс орон даяар тэмдэглэхээр шийдвэрлэсэн. Ойн ажлын хүрээнд ОХУ-аас хүндэт зочид төлөөлөгчид Улаанбаатар хотноо хүрэлцэн ирэх юм. Тиймээс ойг угтаж халхын голын дайны холбогдолтой хөшөө, дурсгалт газруудыг сэргээн засварлах  ажил нийслэлд өрнөж байна.   Үүнтэй холбоотойгоор Зайсан толгой дахь Зөвлөлтийн дайчдын хөшөөт цогцолборыг сэргээн засварлаж байгаа  бөгөөд  2014 оны 8 дугаар сарын 12, 13-ны өдрүүдэд Зайсан толгой орчмын автозамын хөдөлгөөнийг түр хугацаанд хаахаар боллоо гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.