“Твиттер” нийгмийн сүлжээний мэргэжилтнүүд уг сүлжээн дэх “робот” шиг автоматоор шинэчлэгддэг блогчдын хаягийн тоог гаргажээ. Нийт хэрэглэгчдийн 8,5 орчим хувь буюу 23 сая нь ийм жиргээчид аж.

“Твиттер” сүлжээнд нийтдээ 271 сая идэвхтэй хэрэглэгч буюу хаягаа сард ядаж нэг удаа ашигладаг жиргээчид байдаг байна.

“Робот хэрэглэгчдийн” дийлэнх нь цаг агаарын мэдээ эсвэл хамгийн сонирхолтой мэдээллүүдийг автоматоор оруулдаг ажээ.

“Роботуудын” эзлэх хувь ийм их байгаа нь уг нийгмийн сүлжээнд зар сурталчилгаа өгөгчдийг үргээж болзошгүй байна.

“Твиттер” нь найман жилийн хугацаанд үйл ажиллагаа явуулахдаа тогтвортой ашигтай ажиллаж чадаагүй байгаа билээ.